Ungir sem aldnir verða hugfangnir af safnkosti Þjóðminjasafni Íslands. Leyndardómar fortíðar ljúkast upp í spennandi örleiðsögnum Þjóðminjasafnsins þar sem má m.a. fræðast um hamfarir og drepsóttir fyrri tíma, drauga, huldufólk, hjátrú og galdra, þjóðsögur og kynjaskepnur.

Á grunnsýningunni „Þjóð verður til – Menning og samfélag í 1200 ár“ er saga þjóðarinnar sögð, allt frá landnámi til okkar daga. Gestir eru auk þess leiddir í gegnum Íslandssöguna með snertiskjám og ýmsu ítarefni. Herbergi með leikföngum og búningum, auk ratleikja, eru liður í að gera öllum kleift að njóta sýningarinnar sem best. Einnig eru sérstakar fjölskyldustundir á dagskrá en betur má kynnar sér þær á heimasíðu safnsins.

Hljóðleiðsögn um grunnsýningu fyrir snjallsíma er í boði á íslensku og átta öðrum tungumálum. Einnig er boðið uppá hinsegin hljóðleiðsögn, „Regnbogaþráðinn“, á íslensku og ensku en þar er fjallað um hinsegin sögu á Íslandi.

Í Þjóðminjasafninu má finna safnabúð sem gefur gestum kost á að eignast vandaða minjagripi og aðra vöru sem endurspegla sýningar og gripi safnsins. Þá er einnig gott kaffihús á fyrstu hæð safnsins.

Tíu hugmyndir að afþreyingu í Reykjavík og nágrenni:

1. Farðu í bátsferð frá Reykjavíkurhöfn; skoðaðu hvali, lunda eða norðurljós, farðu í sjóstangveiði eða út í Viðey.
2. Skoðaðu líflegt hafnarsvæðið á Granda með heillandi söfnum, listagalleríum, sérverslunum, fjölbreyttu úrvali veitingastaða, ísbúðum og súkkulaðiverksmiðju.
3. Það er alveg sérstök upplifun að skoða Whales of Iceland (hvalasýninguna) og síðan FlyOver Iceland (Ísland úr lofti) úti á Granda, þar sem þú upplifir helstu náttúrundur Íslands í mögnuðu sýndarflugi.
4. Farðu í gönguferð um Reykjavík og skoðaðu sögulegar byggingar, menningarminjar, útilistaverk helstu kennileiti, svo sem Hallgrímskirkju, Hörpu og Ráðhús Reykjavíkur.
5. Gakktu um skógivaxna Öskjuhlíðina áður en þú ferð og skoðar fjölbreyttar sýningar í Perlunni um náttúru Íslands, íshelli, sérstaka norðurljósasýningu og fleira.
6. Farðu í hjólaferð til að uppgötva fallega náttúru um allt höfuðborgarsvæðið, þar á meðal við ströndina og Gróttuvita, gróskumikinn Fossvogsdal og Elliðaárdal.
7. Vertu menningarlegur! Heimsæktu Sögusafnið, Landnámssýninguna í Aðalstræti, Listasafn Íslands, sýningar Listasafns Reykjavíkur, einkasýningar og gallerí í höfuðborginni.
8. Farðu í sund! Prófaðu einhverja af sundlaugunum í höfuðborginni, sökktu þér í heitu pottana og renndu þér niður rennibrautirnar. Ef þú hefur hugrekki skaltu prófa sjósund á Nauthólsvík! Nýjasta viðbótin er svo baðstaðurinn Sky Lagoon í Kópavogi.
9. Farðu í gönguferð! Allt í kringum höfuðborgina eru fjöll við allra hæfi, allt frá auðveldu Úlfarsfelli, Mosfelli og Helgafelli til krefjandi tinda á Esju og Vífilsfells.
10. Ef þú kemur að vetri skaltu heimsækja skíðasvæðin í Bláfjöllum og Skálafelli, um 30 mínútna akstur fyrir utan Reykjavík, með frábærum brekkum og aðstöðu fyrir snjóbretti, alpa- og gönguskíði.

Nánari upplýsingar og hugmyndir á www.visitreykjavik.is