Saga sjósóknar í lifandi umhverfi

Safnið er staðsett í húsi sem áður hýsti blómlega fiskvinnslu. Þar er fjallað um mikilvægi sjósóknar í sögu þjóðarinnar. Gestir fá að kynnast lífi fólks við hafið og sjá hvernig sjávarútvegur hefur mótað samfélagið.

Fiskur & fólk – sjósókn í 150 ár

Grunnsýningin „Fiskur & fólk – sjósókn í 150 ár“ sýnir þróun fiskveiða frá árabátum til stórskipaútgerðar. Hún nær yfir tímabilið frá lokum 19. aldar og fram yfir aldamótin 2000. Sýningin er fjölbreytt og hentar öllum aldurshópum. Hún sameinar myndefni, frásögn og gagnvirkar lausnir sem gera efnið aðgengilegt.

Sögur af fólki, hafinu og breyttum tímum

Sýningarnar fjalla um atvinnuhætti, samfélag og umhverfi. Þar er einnig rætt um sjálfbærni og verndun hafsins. Safnið var endurbætt árið 2018 og býður upp á skýra og nútímalega framsetningu. Gestir fá innsýn í líf sjómanna og fjölskyldna þeirra í gegnum aldirnar.

Varðskipið Óðinn við safnbryggjuna

Við bryggjuna liggur varðskipið Óðinn. Gestir geta gengið um skipið og skoðað söguleg rými þess. Daglegar leiðsagnir um borð frá 1. mars – 31. október kl. 13:00, 14:00 og 15:00. Þar er fjallað um þorskastríðin, björgunarsögu skipsins og daglegt líf áhafnarinnar.

Dráttarbáturinn Magni

Á safninu má einnig sjá dráttarbátinn Magna. Hann var fyrsta stálskipið sem smíðað var á Íslandi. Magni þjónaði Reykjavíkurhöfn í áratugi og gegndi mikilvægu hlutverki í björgunum og hafnarstarfi. Skipið er varðveitt við safnið og sýnir tækni og sjóferðir fyrri tíma.

Safnverslun með sjávarþema

Í safnversluninni er fjölbreytt úrval gjafavöru. Þar má finna minjagripi, bækur og hönnun sem tengist sjósókn og hafinu. Verslunin styður vel við efni sýninganna og býður upp á einstakar vörur.

Tíu hugmyndir að afþreyingu í Reykjavík og nágrenni

1. Farðu í bátsferð frá Reykjavíkurhöfn; skoðaðu hvali, lunda eða norðurljós, farðu í sjóstangveiði eða sigldu út í Viðey.
2. Kíktu til nágranna okkar Sögusafnið, Whales of Iceland og síðan FlyOver Iceland á Granda, þar sem þú sérð helstu náttúrundur Íslands í mögnuðu sýndarflugi.
3. Skoðaðu líflegt hafnarsvæðið á Granda með galleríum, verslunum og veitingastöðum.
4. Heimsæktu systursöfn okkar Landnámssýninguna í Aðalstræti, Ljósmyndasafn Reykjavíkur og Listasafn Reykjavíkur.
5. Farðu í gönguferð um Reykjavík og skoðaðu sögulegar byggingar og kennileiti, svo sem Hallgrímskirkju, Hörpu og Ráðhús Reykjavíkur.
6. Gakktu um skógivaxna Öskjuhlíð og skoðaðu sýningar í Perlunni, þar á meðal íshelli og norðurljósasýningu.
7. Farðu í hjólaferð og uppgötvaðu náttúruna á höfuðborgarsvæðinu, þar á meðal við ströndina og Gróttuvita, í Fossvogsdal og Elliðaárdal.
8. Farðu í sund! Prófaðu sundlaugar á höfuðborgarsvæðinu eða sjósund á Nauthólsvík. Nýjasti baðstaðurinn er Sky Lagoon í Kópavogi.
9. Farðu í gönguferð á fjöll í nágrenninu, svo sem Úlfarsfell, Mosfell, Helgafell, Esju eða Vífilsfell.
10. Ef þú kemur að vetri skaltu heimsækja skíðasvæðin í Bláfjöllum og Skálafelli, um 30 mínútna akstur frá Reykjavík.