Sýningin Frakkar á Íslandsmiðum er er til húsa í tveimur reisulegum og uppgerðum byggingum sem Frakkar reistu upp úr aldamótunum 1900,  Læknishúsinu og Franska spítalanum á Fáskrúðsfirði.  Meginsýning safnsins er þó í hvorugu húsanna, heldur  í undirgöngum sem tengja þau saman.

Blómatími Frakka á Íslandsmiðum hófst um 1860 og stóð um 50 ára skeið. Á sýningunni er saga franskra skútusjómanna á Íslandi rakin, en Fáskrúðsfjörður var helsta bækistöð þeirra hér við land. Lifandi mynd er brugðið pp af lífi sjómanna um borð í  skútunum. Þá veitir safnið einnig innsýn í starfsemi Franska spítalans upp úr aldamótunum 1900.

Meginstarfsemi húsanna tilheyrir nú Fosshótel Austfirðir.

Tíu hugmyndir að afþreyingu í Fjarðabyggð og nágrenni:

1. Skoðaðu Íslenska stríðsárasafnið á Reyðarfirði þar sem þú færð fræðslum um áhrif stríðsátakanna á Austurlandi og víðar.
2. Heimsæktu Sjóminjasafn Austurlands og Randolffs sjóhús á Eskifiði til að fá innsýn í sögu sjósóknar og fiskveiða á svæðinu.
3. Skoðaðu fjölbreyttar sýningar í Safnahúsinu á Neskaupstað.
4. Fjöll Austfjarða eru fræg fyrir litríkar steintegundir; á Steinasafni Petru á Stöðvarfirði er ótrúlega fjölbreytt steinasafn til sýnis.
5. Frekari upplýsingar um jarðfræði svæðisins færðu síðan með heimsókn í Breiðdalssetur á Breidalsvík.
6. Komdu við og smakkaðu á bjór frá Beljandi handverksbrugghúsi og krá á Breiðdalsvík. Skoðaðu síðan fossinn Beljanda í Breiðdalsá, sem brugghúsið er skírt eftir.
7. Lærðu um sögu Hans Jónatans, fyrsta hörundsdökka íbúa Djúpavogs, sem flúði úr þrældómi í Karíbahafi. Hann varð síðan verslunarmaður og mikilvægur þegn í samfélaginu.
8. Skoðaðu „Eggin í Gleðivík“, frábært listaverk Sigurðar Guðmundssonar í Djúpavogi. Um er að ræða 34 egg fuglategunda sem verpa í nágrenninu mótuð í steina og í yfirstærð.
9. Mjóifjörður er afar fallegur og upplagt að keyra hann á enda og út að  og Dalatanga þar sem standa tveir vitar.
10. Laugaðu þig í Vök, nýju böðunum við Urriðavatn, skammt frá Egilsstöðum.

Nánari upplýsingar og hugmyndir á www.east.is