Ísafjarðarganga –  ferð í gegnum tímann

Á Ísafirði, höfuðstað Vestfjarða,  er  vel varðveittur miðbær með húsum frá 19. öld sem endurspegla m.a. útgerðar- og verslunarsögu staðarins og fólksins sem þar bjó.

Leiðsögukonan sem er klædd eins og fiskverkakona á 19. öld  hittir ykkur við upplýsingamiðstöð ferðamanna í bænum.  Hún leiðir ykkur í gegnum gamla bæinn og síðan upp í hlíðina fyrir ofan bæinn þar sem er heillandi útsýni yfir fjörðinn. Hún sýnir áhugaverða staði, gefur innsýn inn í sögu Ísafjarðar og segir sögur og sagnir úr fortíð og nútíð, svo sem fólkinu sem þar bjó en einnig af álfum, tröllum og draugum. Þú færð auk þess góða kynningu á jarðfræði og gróðurfari Vestfjarða og virkni snjóflóðavarna. Á leiðinni deilir leiðsögukonan nestisboxi sínu með þáttakendum. Gangan endar við Ísafjarðarkirkju.

Lengd ferðarinnar er um 2 klst. Stærð hópa: 2-12 þátttalendur. Í lok ferðarinnar er gefinn kostur á því að lengja ferðina um eina klukkustund til að fræðast um eftirfarandi:

• Jarðsaga og jarðfræði
• Gróður Vestfjarða eða haustlitir
• Náttúruganga
• Komdu að smakka

Einnig hægt að panta þessar ferðir eingöngu og er þá lengd  þeirra 3-5 klst.

Persónuleg leiðsögn og aðrar sérferðir samkvæmt beiðni.

Tíu hugmyndir að afþreyingu á Ísafirði og á norðanverðum Vestfjörðum:

1.  Skoðaðu Byggðasafn Vestfjarða í Neðstakaupstað á Ísafirði og lærðu meira  um sögu svæðisins.
2.  Skoðaðu útsýnið af nýjum útsýnispalli á Bolafjalli, ef þú þorir!
3.  Skrafaðu við vermann frá fornri tíð í Sjóminjasafninu í Ósvör.
4.  Kynntu þér fyrsta landnema Íslands í Melrakkasetrinu í Súðavík.
5.  Farðu í sjóstangveiði og veiddu í soðið.
6.  Sigldu til Hornstranda eða út í eyjuna Vigur á Ísafjarðardjúpi.
7.  Skoðaðu Gömlu smiðjuna á Þingeyri frá 1913 þar sem allar vélar virka enn.
8.  Skoðaðu listigarðinn Skrúð í Dýrafirði, sem aðrir skrúðgarðar á Íslandi draga nafn sitt af.
9.  Leggðu upp í kajak-leiðangur framhjá söguslóðum, selum og fuglum.
10.  Gakktu upp með Dynjanda, frægasta fossi Vestfjarða.

Nánari upplýsingar á www.westfjords.is