Ritverk Halldórs Laxness

Halldór Laxness var afkastamikill íslenskur rithöfundur sem skrifaði þrettán stórar skáldsögur, fimm leikrit og leikgerð að einni skáldsögu. Hann gaf einnig út smásagnasöfn, greinasöfn og endurminningarbækur. Bækur hans hafa verið þýddar á 43 tungumál og komið út í yfir 500 útgáfum.

Fjölbreytni verka hans á sér fáar hliðstæður í íslenskum bókmenntum. Hann þýddi m.a. Fjallkirkjuna eftir Gunnar Gunnarsson, Birtíng eftir Voltaire og verk eftir Ernest Hemingway.

Gljúfrasteinn – heimili og vinnustaður skáldsins

Gljúfrasteinn, hús Halldórs Kiljans og Auðar Sveinsdóttur Laxness, var reist í Mosfellsdal árið 1945.
Halldór valdi staðinn neðan við samnefndan stein í landareign Laxnessbæjarins, þar sem hann undi sér oft sem ungur drengur. Húsið var heimili og vinnustaður skáldsins og fjölskyldu hans í hálfa öld.
Íslenska ríkið keypti húsið árið 2002 og tveimur árum síðar var það opnað almenningi sem safn.

Stofutónleikar í Gljúfrasteini

Á sumrin eru haldnir stofutónleikar í Gljúfrasteini alla sunnudaga í júní, júlí og ágúst kl. 16. Þeir skapa einstaka upplifun þar sem tónlist og menning mætast í húsinu sem var heimili Nóbelsverðlaunahafa í bókmenntum.

Bókanir í skoðunarferðir

Í móttökuhúsinu er hægt að bóka í skoðunarferðir um Gljúfrasteinn hús Halldórs Laxness Mosfellsdal. Gestum er ráðlagt að bóka fyrirfram með því að senda tölvupóst á gljufrasteinn@gljufrasteinn.is eða hringja í síma 586-8066.