Árbæjarsafn er útisafn um 20 húsa frá mismunandi tímum auk gamla torfbæjarins Árbæjar sem mynda torg, þorp og sveit. Hægt er að ganga um húsin og fá innsýn í byggingalist og lifnaðarhætti í Reykjavík.  Margar skemmilegar sýningar eru í Árbæjarsafni, svo sem leikfangasýning,  sýning um forleifauppgröft á staðnum, um sögu ljósmyndunar o.fl.

Á sumrin má sjá húsdýr og upplifa mannlíf og vinnubrögð fyrri tíma, þar sem starfsfólk er í búningum.

Þá er einnig boðið upp á allskonar skemmtilega viðburði.  Góð safnbúð er í miðasölunni og á sumrin er boðið upp á veitingar í Dillonshúsi (s. 772 6376).

Tíu hugmyndir að afþreyingu í Reykjavík og nágrenni:

1. Farðu í bátsferð frá Reykjavíkurhöfn; skoðaðu hvali, lunda eða norðurljós, farðu í sjóstangveiði eða út í Viðey.
2. Skoðaðu líflegt hafnarsvæðið úti á Granda með heillandi söfnum, listagalleríum, sérverslunum, fjölbreyttu úrvali veitingastaða, ísbúðum og súkkulaðiverksmiðju.
3. Það er alveg sérstök upplifun að skoða Whales of Iceland (hvalasýninguna) og síðan FlyOver Iceland (Ísland úr lofti) úti á Granda, þar sem þú upplifir helstu náttúrundur Íslands í mögnuðu sýndarflugi.
4. Farðu í gönguferð um Reykjavík og skoðaðu sögulegar byggingar, menningarminjar, útilistaver helstu kennileitir, svo sem Hallgrímskirkju, Hörpu og Ráðhús Reykjavíkur.
5. Gakktu um skógivaxna Öskjuhlíðina áður en þú ferð og skoðar fjölbreyttar sýningar í Perlunni um náttúru Ísland, íshelli, sérstaka norðurljósasýningu og fleira.
6. Farðu í hjólaferð til að uppgötva fallega náttúru um allt höfuðborgarsvæðið, þar á meðal við ströndina og Gróttuvita, gróskumikinn Fossvogsdal og Elliðaárdal.
7. Vertu menningarlegur! Heimsæktu Þjóðminjasafn Íslands, Sögusafnið, Landnámssýninguna í Aðalstræti, Listasafn Íslands, sýningar Listasafns Reykjavíkur, einkasýningar og gallerí í höfuðborginni.
8. Farðu í sund! Prófaðu einhverja af sundlaugunum í höfuðborginni, sökktu þér í heitu pottana og þjóttu niður rennibrautirnar. Ef þú hefur hugrekki til skaltu prófa sjósund á Nauthólsvík! Nýjasti baðstaðurinn er svo hið glæsilega Sky Lagoon í Kópavogi.
9. Farðu í gönguferð! Allt í kringum höfuðborgina eru fjöll fyrir við allra hæfi, allt frá auðveldu Úlfarsfelli, Mosfelli og Helgafelli til krefjandi tinda á Esju og Vífilsfelli.
10. Ef þú kemur að vetri skaltu heimsækja skíðasvæðin í Bláfjöll og Skálafelli, um 30 mínútna akstur fyrir utan Reykjavík,  með frábærum brekkum og aðstöðu fyrir snjóbretti, alpa- og gönguskíði.

Nánari upplýsingar og hugmyndir á www.visitreykjavik.is