Landbúnaðarsafn Íslands á Hvanneyri varpar ljósi á sögu íslensks landbúnaðar. Í sveitasælunni í Borgarfirði er kjörið að kynna sér merka sögu íslensks landbúnaðar, skoða gömul landbúnaðartæki og velta fyrir sér framþróun þessarar mikilvægu greinar. Sérstök áhersla er lögð á upphaf tæknialdar í landbúnaði. Meðal merkustu muna Landbúnaðarsafnsins eru verðmætir gripir frá Ólafsdalsskólanum og frá búi Thors Jensen á Korpúlfsstöðum.

Í Ullarselinu (www.ull.is) í móttökurými Landbúnaðarsafnsins, er fínasta handverk héraðsins til sölu.

Tíu hugmyndir að afþreyingu í Borgarfirði og nágrenni:

1. Skoðaðu náttúruperlur og sögustaði í Borgarfirði svo sem Grábrók, Hraunfossa, Barnafoss og Reykholt Snorra Sturlusonar.
2. Farðu í skipulagða ferð upp á Langjökul og skoðaðu manngerðu ísgöngin þar.
3. Farðu í skoðunarferð um Víðgelmi, stærsta helli Íslands og einn stærsta hraunhelli heims.
4. Farðu í styttri eða lengri gönguferð í ævintýralegu umhverfi Húsafells og prófaðu nýju giljaböðin.
5. Leggstu í bleyti í Kraumu heilsulind við Deildartunguhver, öflugasta hver í Evrópu.
6. Farðu í hestaferð með einni af hestaleigunum á svæðinu og/eða bókaðu heimsókn í hesthús til að fræðast um íslenska hestinn.
7. Kynntu þér íslensku geitina, sem er einstakt kyn, og afurðir hennar í geitabúinu að Háafelli.
8. Slappaðu af í Guðlaugu,  náttúrulauginni á Langisandi á Akranesi, slakaðu á og leiktu við börnin á ströndinni.
9. Heimsæktu Steðja brugghús og bragðaðu á nokkrum af bjórunum.
10. Kynntu þér sögu héraðsins í Landnámssetrinu og Safnahúsinu í Borgarnesi, Byggðasafninu að Görðum á Akranesi og Hernámssetrinu að Hlöðum á Hvalfjarðarströnd.

Nánari upplýsingar á www.west.is