Lifandi saga íslensks landbúnaðar

Landbúnaðarsafn Íslands á Hvanneyri varpar ljósi á sögu íslensks landbúnaðar og þróun hans í gegnum aldirnar. Í rólegu sveitaumhverfi Borgarfjarðar geta gestir kynnst merkri sögu atvinnugreinar sem hefur mótað íslenskt samfélag, skoðað fjölbreytt landbúnaðartæki og séð hvernig tækniframfarir breyttu búskap á 20. öld.

Tæknialdurinn og merkir gripir

Safnið leggur sérstaka áherslu á upphaf tæknialdar í landbúnaði og sýnir hvernig nýjungar breyttu vinnubrögðum og lífsháttum bænda. Meðal merkustu muna safnsins eru verðmætir gripir frá Ólafsdalsskólanum og frá búi Thors Jensen á Korpúlfsstöðum, sem endurspegla áhrifamikla þróun í íslenskum landbúnaði.

Sýningar og fræðsla fyrir alla

Á safninu er að finna fjölbreyttar sýningar sem fjalla um búskaparhætti, verkfæri, vélar og daglegt líf í sveitum landsins. Þar er einnig lögð áhersla á fræðslu og miðlun, bæði fyrir almenna gesti og hópa sem vilja kafa dýpra í sögu og menningu íslensks landbúnaðar.

Ullarselið – handverk úr héraði

Í móttökurými safnsins er Ullarselið, þar sem boðið er upp á vandað handverk úr ull og öðrum náttúrulegum efnum. Þar geta gestir skoðað og keypt hágæða vörur sem endurspegla hefðir og sköpunarkraft svæðisins.

Upplifun í hjarta Hvanneyrar

Landbúnaðarsafn Íslands er lifandi vettvangur fyrir þau sem vilja skilja betur sögu íslensks landbúnaðar og mikilvægi hans í mótun þjóðarinnar. Safnið sameinar fróðleik, menningu og náttúru í einni heildstæðri upplifun sem hentar bæði fjölskyldum, fræðafólki og áhugafólki um íslenskt mannlíf og búskap.

10 afþreyingar í Borgarfirði og nágrenni

1. Skoðaðu náttúruperlur og sögustaði í Borgarfirði svo sem Grábrók, Hraunfossa, Barnafoss og Reykholt Snorra Sturlusonar.
2. Farðu í skipulagða ferð upp á Langjökul og skoðaðu manngerðu ísgöngin: Into the Glacier.
3. Farðu í skoðunarferð um Víðgelmi, stærsta hraunhelli Íslands: Víðgelmir.
4. Farðu í styttri eða lengri gönguferð í ævintýralegu umhverfi Húsafells og prófaðu nýju giljaböðin: Húsafell.
5. Leggstu í bleyti í Kraumu heilsulind við Deildartunguhver: Krauma.
6. Farðu í hestaferð eða heimsókn í hesthús til að fræðast um íslenska hestinn, t.d. hjá Sturlureykjum.
7. Kynntu þér íslensku geitina og afurðir hennar í geitabúinu að Háafelli: Háafell – Geitfjársetur Íslands.
8. Slappaðu af í Guðlaugu, náttúrulauginni á Langasandi á Akranesi: Guðlaug á Langasandi.
9. Heimsæktu Steðja brugghús og bragðaðu á nokkrum af bjórunum: Brugghúsið Steðji.
10. Kynntu þér sögu héraðsins á söfnum svæðisins, svo sem Landnámssetrinu í Borgarnesi, Safnahúsinu í Borgarnesi, Byggðasafninu að Görðum á Akranesi og Hernámssetrinu að Hlöðum.

Nánari upplýsingar má finna á www.west.is.