Gísla saga gerist að mestu á Vestfjörðum undir lok 10. aldar. Hún fjallar um Gísla Súrsson, einn frægasta kappa Íslandssögunnar, systkini hans og maka þeirra. Gísli bjó að Hóli í Haukadal, skammt utan við Þingeyri við Dýrafjörð, með Auði konu sinni. Vegna hefndarvíga innan fjölskyldunnar þar sem eitt leiddi af öðru var Gísli að lokum dæmdur í útlegð. Eftir 13 ára útlegð, þar sem Gísli þurfi oft að skipta um felustaði, var hann loks veginn af óvinum sínum. Félagið Víkingar á Vestfjörðum var stofnað á Þingeyri árið 2003 til að vinna með Gísla sögu og gera sögustaði hennar aðgengilega ferðamönnum. Einnig hefur félagið komið upp hátíðarsvæði í fornum stíl á Þingeyraroddanum, hlöðnum hring úr sjávargrjóti og torfi með langeldi í miðju er rúmar yfir 300 manns í sæti. Unnið er að því að koma þar upp leikvæði fyrir börn, þingbúðum og sölubúðum fyrir hátíðir í anda víkinganna. Víkingar á Vestfjörðum hafa einnig staðið fyrir ýmiss konar námskeiðum í handverki víkingaldar og margir félagsmenn hafa komið sér upp vönduðum víkingabúingum og skarti. Víkingar á Vestfjörðum bjóða þig velkominn!